აბასთუმნის ფილტვის ცენტრში 26 წლის კაცი შეიყვანეს

„ერთი პირი დაემატა, როგორც ვიცი სპორტსმენია და სავარაუდოდ იტალიიდან დაბრუნდა. საქართველოს მოქალაქეა", – ამბობს აბასთუმნის ფილტვის ცენტრის კლინიკური მენეჯერი, კახა ბერიძე.

მისი თქმით, ფილტვის ცენტრში დაკვირვების ქვეშ, ამ ეტაპზე 21 პირი იმყოფება, მათი მდგომარეობა დამაკმაყოფილებელია. ტემპერატურა არცერთ მათგანს არ აქვს.

ცნობისთვის, საქართველოში კორონავირუსის მესამე შემთხვევა, დღეს 29 თებერვალს გამოვლინდა. დღესვე, საქართველოს მთავრობამ მიიღო გადაწყვეტილება, რომ ორშაბათიდან სკოლებში საგაკვეთილო პროცესი აღარ გარძელდეს. სწავლა 16 მარტამდე შეწყდა.

[თინათინ ზაზაძე, ადიგენი]