საქართველოში კორონავირუსის 8 ახალი შემთხვევა დადასტურდა

ინფორმაცია მთავრობის მიერ შექმნილ სპეციალურ ვებგვერდზე stopcov.ge-ზე გამოქვეყნდა.

კარანტინის რეჟიმში 126 ადამიანია, ხოლო სტაციონარში მეთვალყურეობის ქვეშ — 46 პაციენტი.

საქართველოში კორონავირუსით ინფიცირების პირველი შემთხვევა 26 თებერვალს დადასტურდა. დაავადებული საქართველოს მოქალაქე ქვეყანაში ირანიდან შემოვიდა.

იმავე დღეს, საქართველოს მთავრობის გადაწყვეტილებით, სწავლა შეწყდა სკოლებსა და უნივერსიტეტებში, დაიკეტა ბაღები. ყველა საჯარო დაწესებულებაში ჩატარდა დეზინფექცია.

პირველ მარტს საკოორდინაციო საბჭომ თავშეყრის ადგილებში ხალხმრავალი ღონისძიებების გაუქმების შესახებ რეკომენდაცია გასცა.

ბოლო მონაცემებით, კორონავირუსს მსოფლიოში 4 095 ადამიანი ემსხვერპლა, 116 736 დაინფიცირდა, 64 752 კი გამოჯანმრთელდა. ამ დროისთვის COVID – 19 მსოფლიოს 115 ქვეყანაშია გავრცელებული.

ასევე გირჩევთ:

რა სიმპტომები აქვს კორონავირუსს და როგორ დავიცვათ თავი ინფექციისგან?

კორონავირუსის ახალი შემთხვევები და დაავადებათა კონტროლის ცენტრის რეკომენდაციები

რა უნდა გაითვალისწინოთ თვითიზოლაციაში ყოფნის დროს – რეკომენდაციები


[sknews.ge]