ახალციხის სკოლებში სადეზინფექციო სამუშაოები მიმდინარეობს [ფოტო]

სკოლების ნაწილმა, კლასების დამუშავება 28 თებერვლიდან დაიწყო, ნაწილში კი ამ ეტაპზე მიმდინარეობს.

„ჩვენ პარასკევს დავიწყეთ სადეზინფექციო სამუშაოები, ყოველთვის ვაკეთებთ ხოლმე პერიოდულობით, მაგრამ სამინისტროს რეკომენდაციის საფუძველზე განსაკუთრებული ზომები მივიღეთ“, - ამბობს მეხუთე სკოლის დირექტორი, ინგა ვარდიძე.

საქართველოს მთავრობის გადაწყვეტილებით, კორონავირუსთან დაკავშირებით, სასკოლო არდადეგები ცხრა მარტის ნაცვლად, ორი მარტიდან დაიწყო და 16 მარტამდე გაგრძელდება. გარდა ამისა, გაძლიერდება სადეზინფექციო სამუშაოები საზოგადოებრივ ტრანსპორტში და საბავშვო ბაღებში.





[მარიამ ბარძიმაძე, ახალციხე]