ბაღებში ორკვირიანი არდადაგები გამოცხადდა

რეგიონული განვითარებისა და ინფრასტრუქტიურის სამინისტროს ინფორმაციით, კორონავირუსთან დაკავშირებით, საპრევენციო ღონისძიების მიზნით, საქართველოს რეგიონებში, ყველა მუნიციპალიტეტის საბავშვო ბაღებში არდადეგები, ორი მარტიდან 16 მარტის ჩათვლით გაგრძელდება. ამ პერიოდის განმავლობაში, შენობებში, დამატებითი სადეზინფექციო სამუშაოები ჩატარდება.

ორი კვირით შეჩერდება სამუშაო პროცესი სამცხე–ჯავახეთის ბაღებშიც.

"კორონავირუსთან დაკავშირებით, პროფილაქტიკის მიზნით, ახალციხის მუნიციპალიტეტის საბავშვო ბაგა-ბაღებში სააღმზრდელო პროცესი შეწყდება. მიუხედავათ იმისა, რომ ახალციხის ყველა საბავშვო ბაგა-ბაღში სახელმწიფო სტანდარტების მიხედვით ტარდება შესაბამისი სადეზინფექციო და დასუფთავების სამუშაოები, ბავშვთა უსაფრთხოების უზრუნველყოფის მიზნით, მიღებულ იქნა გადაწყვეტილება დროებით შევაჩეროთ სააღმზრდელო პროცესი.ამ პერიოდის განმავლობაში, საბავშვო ბაგა-ბაღების შენობებში დამატებითი სადეზინფექციო სამუშაოები ჩატარდება", – წერია ააიპ–ის მიერ გავრცელებულ განცხადებაში.

ორკვირიანი არდადაგები გამოცხადდა სკოლებშიც, აღნიშნულის შესახებ უწყებათაშორისი საკოორდინაციო საბჭოს დღევანდელ სცდომაზე გახდა ცნობილი.

დღეს, 29 თებერვალს საქართველოში კორონავირუსის მესამე შემთხვევა დადასტურდა. კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა, მეორე კი დაავადებათა კონტროლის ცენტრმა 28 თებერვალს დაადასტურა. საქართველოს მაშტაბით, ამ ეტაპზე დაკვირვების ქვეშ 170 ადამიანი იმყოფება.

[sknews.ge]