‘არ ვაპირებ პოლიტიკურ ჭიდილში ჩაბმას’ - სალომე ზურაბიშვილი

„არა იმიტომ რომ საკუთარი მოსაზრება არ გამაჩნია. არა იმიტომ რომ ვინესი მეშინია. არამედ იმიტომ, რომ მიუკერძოებელი დამოუკიდებელი და ზეპარტიული პრეზიდენტი პარტიებსა და საზოგადოებას საკუთარ აზრებს თავს არ მოახვევს თუმცა ეს გამორიცხავს პრეზიდენტის პოლიტიკურ როლს ქვეყნის სტაბილურობისა და საზოგადოების დამშვიდების ხელშეწყობაში“.

ზურაბიშვილის თქმით, ამ მიზნით ძალაში რჩება წინადადება, რომლის მიხედვითაც საპრეზიდენტო პლატფორმა გამოყენებული იყოს პოლიტიკური დიალოგებისთვის: „საპრეზიდენტო პლატფორმა არაერთხელ შევთავაზე ყველა პოლიტიკურ ძალას, რათა არ შეწყდეს დიალოგი. თუ ამის საჭიროება დადგება, ეს წინადადება ძალაშია. დღეს იმედიანად ვარ, რამეთუ ბოლო დღეებში პოლიტიკური შეთანხმებისკენ ნაბიჯები იდგმება. თუმცა, საბოლოო შედეგი ჯერ არ დამდგარა. ამ დროს ყველას უნდა გვახსოვდეს, რომ დიალოგს ალტერნატივა არ გააჩნია“.

ზურაბიშვილის შეფასებით, სამართლიანი არჩევნების ჩატარების პასუხისმგებლობა ყველა მხარეს ეკისრება.

სალომე ზურაბიშვილის ყოველწლიერ მოხსენებას ბოიკოტი გამოუცხადეს ფრაქცია დამოუკიდებელი დეპუტატების“ წევრებმა. კვლავ ბოიკოტის რეჟიმში რჩებიან „ევროპული საქართველოსა“ და ნაციონალური მოძრაობის“ წევრები. სხდომაზე არ ყოფილან არც პატრიოტთა ალიანსის წევრები.

პრეზიდენტის სიტყვას, სხდომათა დარბაზში მხოლოდ მთავრობის წევრები და „ქართული ოცნების“ დეპუტატები ესწრებოდნენ. მოხსენების პარალელურად პარლამენტის მიმდებარედ გაიმართა აქციაც. აქტივისტთა რამდენიმე ჯგუფმა მოხსენების წინ, პარლამენტის შენობასთან ბანერები და პლაკატები მიიტანეს, სადაც ზურაბიშვილისა და ბიძინა ივანიშვილის ფოტოები და კარიკატურები იყო დატანილი.

[რობი ზარიძე, ახალციხე]