ახალარჩეული პრეზიდენტი სალომე ზურაბიშვილი დღეს ფიცს დადებს

სალომე ზურაბიშვილის ინაუგურაციას თელავში დაესწრება მსოფლიოს 55-მდე ქვეყნის 150-მდე წარმომადგენელი, მათ შორის, სომხეთის რესპუბლიკის პრეზიდენტი არმენ სარქისიანი, საფრანგეთის ყოფილი პრეზიდენტი ნიკოლა სარკოზი, თურქეთის რესპუბლიკის ვიცე-პრეზიდენტი, აზერბაიჯანის პარლამენტის სპიკერი და სხვა საპატიო სტუმრები.

ფიცის დადების ცერემონიის შემდგომ, ძალაში შევა საქართველოს ახალი კონსტიტუცია.

პრეზიდენტის ინაუგურაცია პროტესტის ფონზე გაიმართება. გაერთიანებული ოპოზიციის წარმომადგენლები ქალაქის ცენტრში აქციის გამართვას გეგმავენ. აქციაში მონაწილეობის მისაღებად ოპოზიციის წარმომადგენლები წავიდენენ სამცხე–ჯავახეთიდანაც.

ინაუგურაციის გასაშუქებლად ჩასული ჟურნალისტები მოქალაქეებივით ღონისძიებას ეკრანზე უყურებენ. მათთვის ღონისძება დახურულია და ცალკეა გამოყოფილი ჯებირებით შემოსაზღვრული ტერიტორია, სადაც მონიტორი მონტაჟდება.

[sknews.ge]