ახალციხეში სალომე ზურაბიშვილის მხარდასაჭერი კონცერტი გაიმართება

თბილისიდან ახალციხეში კონცერტისთვის რვა მომღერალი ჩამოვა, მათ შორის არიან პანჩო და რომა რცხილაძე.

„ვინ ჩამოვა კონცერტზე მთავრობიდან არ ვიცით ჯერ, დღის ბოლომდე გაირკვევა“, – გვითხრა „ქართული ოცნების“ ახალციხის საოლქო ორგანიზაციის აღმასრულებელმა მდივანმა გიორგი გვარამაძემ.

ზურაბიშვილის მხარდასაჭერი კონცერტი უკვე გაიმართა ახალქალაქში. ღონისძიებას თავად პრეზიდენტობის კანდიდატი არ დასწრებია, თუმცა აქ მომღერლებთან ერთად მთავრობის წარმომადგენლებიც იყვნენ.

[მარიამ ბარძიმაძე, ახალციხე]