'ქართული ოცნება' არჩევნებში მხარს სალომე ზურაბიშვილს უჭერს

ამის შესახებ განცხადება ირაკლი კობახიძემ, დღეს 9 სექტემბერს, პოლიტსაბჭოს დასრულების შემდეგ განაცხადა. მისი განმარტებით, "ქართული ოცნება" საპრეზიდენტო არჩევნებში საკუთარ კანდიდატს არ წარადგენს, თუმცა ცესკოში წარდგენილ კანდიდატებს შორის, პარტიამ არჩევანი სალომე ზურაბიშვილზე შეაჩერა.

"ვფიქრობთ, რომ ქალბატონ სალომე ზურაბიშვილს შეუძლია დაამკვიდროს ახალი ტრადიცია ჩვენს კონსტიტუციურ სისტემაში, მას შეუძლია პრეზიდენტის უფლებამოსილებები განახორციელოს არა რომელიმე პარტიის ან პოლიტიკური ჯგუფის, არამედ ქვეყნისა და საზოგადოების ინტერესებზე დაყრდნობით.ქართულ საზოგადოებას მოვუწოდებთ, საქართველოს პრეზიდენტის პოსტზე მხარი დაუჭიროს ქალბატონი სალომე ზურაბიშვილის კანდიდატურას", – განაცხადა ჟურნალისტებთან პარლამენტის თავმჯდომარემ, ირაკლი კობახიძემ.

[sknews.ge]