რამდენი დახარჯა სამცხე–ჯავახეთის სამხარეო ადმინისტრაციამ 2 წელში ხელფასებსა და პრემიებში

სამცხე-ჯავახეთის სამხარეო ადმინისტრაციამ 2018 წელს სახელფასო ანაზღაურებაში 390 899 ლარი დახარჯა, 2019 წელს კი 465 415.

რაც შეეხება პრემიას, ჯილდოსა და დანამატს – 2018 წელს 22 000 ლარი გასცა, 2019 წელს კი ეს თანხა 28 550 ლარამდე გაიზარდა.

2018 წლის პირველი იანვრის მდგომარეობით, სამცხე-ჯავახეთის მხარის ადმინისტრაციაში 26 თანამშრომელი მუშაობდა, 2019 წელს კი დასაქმებულთა რაოდენობა 30-მდე გაიზარდა.

კვლევის მიხედვით, ყველაზე მეტი ხელფასი 2018 წელს ქვემო ქართლის ადმინისტრაციამ - 532 298 ლარი გასცა, 2019 წელს კი სამეგრელო ზემო–სვანეთმა - 568 279 ლარი.

2018-2019 წლებში ყველაზე მეტი ხარჯი დანამატის სახით კახეთის სამხარეო ადმინისტრაციამ - 122 578 ლარი გაიღო.

ორგანიზაციის კვლევის თანახმად, ცხრავე ადმინისტრაციაში 2018-2019 წლებში, 2016–2017 წლებთან შედარებით 1 411 749 ლარით მეტი დახარჯა.

ამავე თემაზე: სამცხე–ჯავახეთის მხარის ადმინისტრაციამ 2 წელში 106 099 ლარის საწვავი დახარჯა

[sknews.ge]