ვანო მერაბიშვილის წინააღმდეგ აქცია მიმდინარეობს

აქციის მონაწილეები ამბობენ, რომ მათ ახსოვთ მერაბიშვილის დანაშაულებრივი მმართველობა და არ დაუშვებენ რომ იგივე განმეორდეს.

"აღნიშნავენ იმ ფარული მკვლელის გამოსვლას, მთელი საქართველო შავებში რომ გაახვია და სისხლში აცურავა ვაჟბატონმა მერაბიშვილმა... ამდენი წელი იჯდა, ამდენი დრო ქონდა მონანიების და ფიქრის. მეგონა, რომ გამოვიდოდა და ცოტა სინანულის გრძნობა ექნებოდა, მაგრამ პირდაპირ მუქარაზე გადავიდა", — განაცხადა ია მეტრეველმა ტელეკომპანია "იმედთან".

დემონსტრანტები ვანო მერაბიშვილთან შეხვედრაზე მისულ პოლიტიკოსებს სტვენითა და შეძახილებით ხვდებიან.

"ჩვენ გვინდა, რომ კომფორტის ზონა არ ჰქონდეს მერაბიშვილს. ის არის მკვლელი. მას არ მოუხდია მაგალითად სასჯელი გია კრიალაშვილის საქმეზე, ჩვენ ვითხოვთ გამოიძიონ ეს დანაშაულები. კიდევ ერთი, გთხოვთ, "ქართული ოცნების" აქტივისტებად ნუ გამოგვაცხადებთ ნურავის, სხვადასხვა ახალგაზრდული ორგანიზაციის წევრები ვართ",- აცხადებს აქციის ერთ-ერთი მონაწილე შაკო კუჭაშვილი "ინტერპრესნიუსთან".

ყოფილმა შს მინისტრამა სასჯელაღსრულების დაწესებულება, დღეს, 20 თებერვალს დატოვა.

[sknews.ge]