ახალციხეში, ვაჟა–ფშაველას ქუჩაზე ცხაურები დაზიანდა

ვაჟა–ფშაველას ქუჩაზე ცხაურები ორი დღის წინ დაზიანდა, ადგილობრივების თქმით, რკინის კონსტრუქციები სატვირთო მანქანებმა ჩატეხეს.

„გუშინ რამდენიმე მანქანა ჩავარდა შიგნით, ორი ცხაური აკლია შუა ნაწილში, ვერ ხედავენ მძოღლები და ვარდებიან. ამოყვანაში ჩვენც ვეხმარებით. ჯოხი ჩავარჭე, რომ მძღოლები მიხვდნენ გავლა სახიფათოა“,- ამბობს ადგილობრივი.

ახალციხის მუნიციპალიტეტის მერიაში გვითხრეს, რომ ქალაქის მასშტაბით ცხაურების შეკეთება მიმდინარეობს და ვაჟა-ფშაველაზეც შეცვლიან.

ახალციხის ქუჩებზე ცხაურების დაზიანების ეს პირველი შემთხვევა არ არის. გასულ წლებში რამდენჯერმე გამოცვალეს პეტრე იბერის, მანველიშვილის და ვაჟა–ფშაველას ქუჩებზე.



[მარიამ ბარძიმაძე, ახალციხე]