დაზიანებული ცხაურები ახალციხის ქუჩებში [Photo]

ახალციხეში, ვაჟა ფშაველას ქუჩაზე, როგორც აქ მცხოვრებლები ამბობენ, ცხაურები სანიაღვრე არხებზე გასული წლის შემოდგომით დაზიანდა.

„მას შემდეგ მანქანაც ბევრჯერ ჩავარდა შიგ. ბავშვებიც სულ მანდ თამაშობენ, ჯერ ერთი გვეშინია შიგნით არ ჩავარდნენ და მეორეც სულ ნაგვითაა სავსე. მერიიდან იყვნენ და ვუთხარით ამის შესახებ, მაგრამ ამდენი ხანი გავიდა და არაფერი შეცვლილა“, – ამბობს ჯულიეტა სტეფანიანი.

ადგილობრივების თქმით, წვიმის შემდეგ სანიაღვრე არხი ნიაღვარს მოყოლილი ქვა–ღორღით და ნაგვით ივსება: „მერე წყალს ეს სიბინძურე ასფალტზე ამოაქვს. არც წმენდენ და არც ზემოდან ხურავენ, რომ ასეთი პრობლემები აღარ იყოს“.

ახალციხის მერიაში ამბობენ, რომ დაზიანებულ ცხაურებს შიდა გზების მოვლაზე პასუხისმგებელი კომანია შპს „ოცხე“ შეაკეთებს: „კომპანიას ამის შესახებ დავალება უკვე მივეცით და უახლოეს პერიოდში გააკეთბს“.



[მარიამ ბარძიმაძე, ახალციხე]