სამცხე-ჯავახეთში პრაქტიკოსი მასწავლებლის სტატუსი 2 716 პედაგოგს აქვს

მასწავლებელთა კომპეტენციის დადასტურებისათვის ტესტირება ნოემბერში გაიმართა. გამოცდის შემდეგ, სამცხე-ჯავახეთში 2 716 პედაგოგს პრაქტიკოსის სტატუსი დარჩა. უფროსის სტატუსის მქონეა - 1 219 პედაგოგი, წამყვანის - 67, ხოლო მენტორი რეგიონის მასშტაბით სულ ორია.
მუნიციპალიტეტების მიხედვით, სტატუსიანი პედაგოგთა რიცხვი ასეთია:

ადიგენი

პრაქტიკოსი -216
უფროსი - 212
წამყვანი - 10
მენტორი - 0

ასპინძა

პრაქტიკოსი - 163
უფროსი - 156
წამყვანი - 8
მენტორი - 1

ახალქალაქი

პრაქტიკოსი - 1078
უფროსი - 109
წამყვანი - 14
მენტორი - 0

ახალციხე

პრაქტიკოსი - 419
უფროსი - 405
წამყვანი - 25
მენტორი - 0

ბორჯომი

პრაქტიკოსი - 152
უფროსი - 222
წამყვანი - 8
მენტორი - 1

ნინოწმინდა

პრაქტიკოსი - 690
უფროსი - 125
წამყვანი - 5
მენტორი - 1

ცენტრის ინფორმაციით, შესაძლოა ერთი მასწავლებელი ორ სხვადასხვა რესურს-ცენტრში ფიქსირდებოდეს.

მასწავლებელთა პროფესიული განვითარების ეროვნულ ცენტრში განმარტავენ, რომ უწყებაში გარკვეული ცვლილებების განხორციელება იგეგმება.

„მასწავლებელს, რომელმაც ვერ დაადასტურა კომპეტენცია, სასწავლო წლის დასრულების შემდგომ, განმეორებით მიეცემათ საშუალება ჩააბარონ გამოცდა და აიმაღლონ მასწავლებლის სქემით განსაზღვრული სტატუსი“, - განმარტავენ ცენტრში.

საქართველოს მთავრობის 2019 წლის 23 მაისის დადგენილების მიხედვით, პრაქტიკოს მასწავლებელს (გარდა არაქართულენოვანი ზოგადსაგანმანათლებლო დაწესებულებების/სექტორების პრაქტიკოსი მასწავლებლისა), რომელიც 2020 წლის 31 იანვრის ჩათვლით ვერ მოიპოვებს უფროსი მასწავლებლის სტატუსს, სკოლის დირექტორი, საჭიროების შემთხვევაში, უფორმებს ვადიან შრომით ხელშეკრულებას და აღნიშნული პოზიცია ცხადდება ვაკანტურად.

თუ სკოლამ ვაკანტურ პოზიციაზე დასანიშნად პირი შეარჩია, პრაქტიკოს მასწავლებელთან დადებული ვადიანი შრომითი ხელშეკრულება შეწყდება.

[თაკო ფეიქრიშვილი, ახალციხე]