როდის დაიწყება სწავლა ახალციხის ბაღებში

ფოტო: ახალციხის მეხუთე ბაღი

ზამთრის არდადეგების შემდეგ, ახალციხის 25-ვე ბაღში სწავლა 13 იანვარს განახლდება.

როგორც ახალციხის სკოლამდელი აღზრდის დაწესებულებათა გაერთიანების ხელმძღანელი, მარინა მერაბიშვილი ამბობს, მუნიციპალიტეტის ბაღებში არსებულ ნივთებს ყოველდღე სადეზინფექციო ხსნარით დაამუშავებენ.

„13-ში ვიწყებთ სწავლას. სადეზინფექციო ხსნარებით დამუშავდება სათამაშოები, ავეჯი და სველი წერტილები. თუ დაავადებათა კონტროლის ეროვნული ცენტრი რეკომენდაციას მოგვცემს, მხოლოდ იმ შემთვევაში გადავდებთ სწავლის დაწყებას, თუმცა ამ ეტაპზე, პაატა იმნაძის [დაავადებათა კონტროლის ეროვნული ცენტრის სამეცნიერო ხელმძღვანელი]განცხადებით ამ ეტაპზე საშიშროება არ არსებობს“,- ამბობს მერაბიშვილი.

ქვეყანაში ამ ეტაპზე ძირითადად ბე ტიპის ვირუსი ცირკულირებს.

[მარიამ ბარძიმაძე, ახალციხე]