მძიმე და მავნე სამუშაოზე დასაქმებულები აბასთუმნის ფილტვის ცენტრში უფასოდ იმკურნალებენ

მთავარი → სიახლე, საზოგადოება 27.12.2019

საქართველოს პროფესიული კავშირების გაერთიანების თავმჯდომარეს ირაკლი პეტრიაშვილს, სს "ტუბერკულოზის და ფილტვის დაავადებათა ეროვნული ცენტრის" დირექტორს ზაზა ავალიანს და შპს „აბასთუმნის ფილტვის ცენტრის“ დირექტორს რევაზ ჟღენტს შორის თანამშრომლობის მემორანდუმი დღეს, 27 დეკემბერს გაფორმდა.

მძიმე და მავნე სამუშაოზე დასაქმებულები აბასთუმნის ფილტვის ცენტრში უფასოდ იმკურნალებენ

ფოტო: რადიო თავისუფლება

შეთანხმების თანახმად, აბასთუმნის ფილტვის სარეაბილიტაციო ცენტრი იღებს ვალდებულებას მაღალი პროფესიული რისკის ჯგუფების წარმომადგენლებს - მაღაროებში, ცემენტის საწარმოებში, მეტალურგიულ და სხვა მსგავს საწარმოებში დასაქმებულებს, რომელთაც სასუნთქი გზების დაავადებები აღენიშნებათ, უფასო სამკვირიანი სასუნთქი სისტემის რეაბილიტაციის კურსი შესთავაზოს.

უფასო მკურნალობის კურსით სარგებლობა შეუძლია პროფკავშირის ნებისმიერ წევრს.

აბასთუმანში, ფილტვით დაავადებულთა ცენტრის მშენებლობა, ფონდ „ქართუს“ დაფინანსებით, ოქტომბერში დაიწყო და 2019 წლის გაზაფხულზე დასრულდა. შენობა 100 საწოლზეა გათვლილი და აქ ფილტვზე სხვადასხვა დაავადების მქონე პაციენტები იმკურნალებენ.

[sknews.ge]