სუს-მა ენზელ მკოიანის ოჯახის კომპანიის საქმის შესწავლა დაიწყო

„ამ ეტაპზე მიმდინარეობს პუბლიკაციაში მოყვენილი ფაქტების შესწავლა“ - გვითხრეს სუს-ის საზოგადოებასთან ურთიერთობის სამსახურში.

ბოლო შვიდი წელია, ახალქალაქსა და ნინოწმინდაში სახელმწიფო უწყებები საწვავს „ქართული ოცნების“ მაჟორიტარის ოჯახის კომპანია „მეეკისგან“ ყიდულობენ. ამ უწყებებს შორისაა თვითონ ენზელ მკოიანის ბიუროც. დეპუტატის ძმისა და შვილების შპს-მ ამ გზით უკვე ნახევარ მილიონ ლარამდე მიიღო.

ენზელ მკოიანი 1999 წლიდან დღემდე პარლამენტის მაჟორიტარი დეპუტატია. 1999 წლიდან 2008–მდე საინიციატივო ჯგუფის მიერ იყო წარდგენილი, 2008–დან 2012 წლამდე პარლამენტში „ნაციონალური მოძრაობის“ სახელით იყო, 2012 წლიდან კი „ქართული ოცნებას“ წარმოადგენს.

მკოიანი ერთ-ერთია იმ დეპუტატებს შორის, რომლებმაც პროპორციული საარჩევნო სისტემის კანონპროექტი ჩააგდეს.

[რობი ზარიძე, ახალქალაქი]