სამცხე–ჯავახეთის საპატრულო პოლიციას ახალი უფროსი ჰყავს

მიხეილ კალაძემ, საპატრულო პოლიციის რეგიონის მთავარ სამმართველოს უფროსის თანამდებობაზე გიორგი კონცელიძე ჩაანაცვლა. კალაძე სამცხე–ჯავახეთში შიდა ქართლის მთავარი სამმართველოდან გადმოიყვანეს. მას შინაგან საქმეთა სამინისტროში მუშაობის 13 წლიანი გამოცდილება აქვს.



1978 წელს დაბადებული, პოლიციის პოლკოვნიკი მიხეილ კალაძე პროფესიით სამართალმცოდნეა.

შინაგან საქმეთა სამინისტროს სისტემაში საქმიანობა 2004 წლიდან, პატრულ-ინსპექტორის პოზიციიდან დაიწყო;

2004-2007 წლებში იყო შსს საპატრულო პოლიციის დეპარტამენტის ქალაქ თბილისის მთავარი სამმართველოს სახაზო-საპატრულო სამმართველოს პატრულ-ინსპექტორი. შემდეგ კი პირველი სახაზო-საპატრულო სამმართველოს ათეულის მეთაური;

2007-2013 წლებში საქმიანობა განაგრძო შსს საპატრულო პოლიციის დეპარტამენტის ქალაქ თბილისისა და მცხეთა მთიანეთის მთავარი სამმართველოს პირველი სახაზო-საპატრულო სამმართველოს ათეულის მეთაური, მოგვიანებით ოცეულის მეთაური;

2013-2014 წლებში მუშაობდა შსს საპატრულო პოლიციის დეპარტამენტის მცხეთა-მთიანეთის მთავარი სამმართველოს უფროსის მოადგილედ, საორგანიზაციო სამმართველოს უფროსად;

2014-2017 წლებში ეკავა შსს საპატრულო პოლიციის დეპარტამენტის ქვემო ქართლის მთავარი სამმართველოს უფროსის თანამდებობა;

2017 წლის ივნისიდან დღემდე კალაძე იყო საპატრულო პოლიციის დეპარტამენტის შიდა ქართლის მთავარი სამმართველოს უფროსი;

[sknews.ge]