ახალციხეს დიდი ბრიტანეთის ელჩი ჯასტინ მაკკენზი სმიტი ეწვევა

შეხვედრა „2019 წლის შემოდგომის დიდი ბრიტანეთის სეზონი საქართველოში“ ფარგლებში გაიმართება, რომელიც აღნიშნავს დიდ ბრიტანეთსა და საქართველოს შორის განსაკუთრებულ მეგობრობას.

ვიზიტის ფარგლებში დაგეგმილია შეხვედრები სამცხე–ჯავახეთის სახელმწიფო რწმუნებულთან, ახალციხის მუნიციპალიტეტის მერთან, სამცხე-ჯავახეთის სახელმწიფო უნივერსიტეტის სტუდენტებთან და მოსახლეობასთან.

ჯასტინ მაკკენზი სმიტი 12:30 საათზე სამცხე–ჯავახეთის უნივერსიტეტს ესტუმრება, ადგილობრივ მოსახლეობას ახალციხის ცენტრალურ პარკში კი 13:30 საათზე შეხვდება.

[sknews.ge]