სამცხე–ჯავახეთის გუბერნატორი რეგიონში მოქმედი NGO-ების წარმომადგენლებს შეხვდა

სამხარეო ადმინისტრაციაში დღეს, 19 ოქტომბერს გამართულ შეხვედრას 15–მდე არასამთავრობო ორგანიზაციის თანამშრომელი ესწრებოდა. მათ მხარის რწმუნებულს თავიანთი მუშაობის შესახებ ინფორმაცია მიაწოდეს.

„ორგანიზაციაში ბევრი ახალგაზრდა გვყავს, მაგრამ ფართი არ გვაქვს იმისთვის, რომ ყველა ერთად შევკრიბოთ და სხვადასხვა ღონისძიება დავგეგმოთ. ამ მხრივ სამხარეო ადმინისტრაციის დახმარების იმედი გვაქვს“, – უთხრა ამირანაშვილს ადიგენში მოქმედმა არასამთავრობო ორგანიზაცია „ოცხეს“ ხელმძღვანელმა სვეტლანა ბოჩიკაშვილმა.

ამირანაშვილმა განაცხადა, რომ იგი არასამთავრობო ორგანიზაციების წარმომადგენლებს კიდევ შეხვდება: „თითოეული მათგანი ჩვენი მოსახლეობისთვის ძალიან მნიშვნელოვან პროექტს ახორციელებს. დღეს მოვისმინე მათი სამუშაო მიმართულებები და მომავალში აუცილებლად ვითანამშრომლებთ“.

არასამთავრობო ორგანიზაციებსა და გუბერნატორს შორის გაცნობითი ხასიათის შეხვედრა საათზე მეტხანს გაგრძელდა.

[ლუბა გიორგაძე, ახალციხე]