ახალციხის მერია სოციალური პროგრამების ფარგლებში 19 000-მდე მოქალაქეს დაეხმარა ®

მათ შორის:

სამედიცინო-სადიაგნოსტიკო გამოკვლევები დაუფინანსდა - 238 მოქალაქეს, 60 550 ლარის ღირებულების;

ქირურგიული მომსახურებისთვის - 636 მოქალაქეს გაეწია დახმარება, ჯამში 288 611 ლარის ღირებულების;

ონკოლოგიური დაავადებების სამკურნალოდ დაფინანსება მიიღო 95 მოქალაქემ - 134 012 ლარის ღირებულების;

სტაციონარული მკურნალობისთვის, ქრონიკული დაავადების მქონე ბენეფიციარებისა და შშმ ომის ვეტერანებისთვის საჭირო მედიკამენტების დაფინანსება - დახმარება გაეწია 57 მოქალაქეს, 17 757 ლარის ღირებულების;

სოციალური დახმარება გაეწია 471 ახალშობილის ოჯახს - 62 200 ლარის ოდენობით;

სამუსიკო და სამხატვრო სკოლებში სწავლის გადასახადი დაუფინანსდა 249 მოსწავლეს - 27 250 ლარის ოდენობით;

იძულებით გადაადგილებულ პირთა, სამშობლოს დაცვისას დაღუპულთა, ომის შემდგომ გარდაცვლილ მეომართა და უპატრონო მიცვალებულთა სარიტუალო მომსახურება - 8 250 ლარი;

შშმ პირის სტატუსის მქონე ომის ვეტერანებს, ომში დაღუპულის ოჯახის წევრის სტატუსის მქონე და მეორე მსოფლიო ომის ვეტერანებს - სულ 34 ბენეფიციარს სოციალური დახმარება გაეწია 18 075 ლარის ოდენობით;

შშმ პირებს და სხვა კატეგორიის მოწყვლად ჯგუფებს - ჯამში 307 ბენეფიციარს გაეწია 107 000 ლარის სოციალური დახმარება;

შშმ ბავშვთა სოციალური დახმარება გაეწია 74 ბენეფიციარს, ჯამში 22 200 ლარის ოდენობით;

ხანძრის შედეგად დაზარალებულ 11 ოჯახს გაეწია დახმარება, ჯამში 15 900 ლარის ოდენობით;

ა(ა)იპ „ახალციხის მუნიციპალიტეტის სათნოების სახლის'' უფასო სასადილოს მომსახურება გაეწია 195 ბენეფიციარს, აღნიშნული მომსახურებისთვის გაიხარჯა 96 260 ლარი;

შეჭირვებული მოსახლეობის და იძულებით გადაადგილებულ პირთა-დევნილთა სოციალური დახმარება - სასურსათო პაკეტები მიიღო 207 ოჯახმა, რომლის ღირებულებამ შეადგინა 31 040 ლარი;

მუნიციპალიტეტის ტერიტორიაზე მოძრავი სამარშრუტო ტრანსპორტის 50%-იანი თანადაფინანსებით ისარგებლა 17 160-მა მოქალაქემ, რისთვისაც გაიხარჯა 20 170 ლარი;

2019 წელს სოციალური პროგრამებისთვის ახალციხის მუნიციპალიტეტის ადგილობრივ ბიუჯეტში 1 132 011 ლარია გათვალისწინებული.