ბორჯომის გამგეობამ ოქტომბერში მოქალაქეთა დასახმარებლად 126 556 ლარის დაფინანსება გასცა

ბორჯომის მუნიციპალიტეტის გამგებლის დიმიტრი ყიფიანის განცხადებით, გამგეობაში მოქმედი სოციალური პროგრამების მიხედვით, გასულ თვეს 314 მოქალაქის დასაფინანსებლად 75 655 ლარი გაიხარჯა.

„აღნიშნული თანხით, დახმარება გაეწია 4 და მეტ შვილიან ოჯახებს, შშმ პირებს, გამოჩენილ ადამიანებს, ახალდაქორწინებულებს, ახალშობილებს, 100 წელს გადაცილებულ პირებს, დედ–მამით ობოლ ბავშვებს", – განმარტა დიმიტრი ყიფიანმა.

გარდა აღნიშნულისა, ბორჯომის მუნიციპალიტეტის საკრებულომ მოქალაქეებისთვის საჭირო სტაციონარული და ამბულატორიული მომსახურეობის დაფინანსების მიზნით ადგილობრივი ბიუჯეტიდან 50 904 ლარი გამოყო, რომლითაც დახმარება 123 მოქალაქეს გაეწია.

ჯამში ბორჯომის მუნიციპალიტეტის ბიუჯეტიდან ოქტომბერში მოქალქეების დახმარების მიზენით 126 556 ლარი დაიხარჯა.

[sknews.ge]