თამარაშვილის ქუჩაზე ეზოს მოასფალტებას ითხოვენ

თამარაშვილის ქუჩაზე ორ სამსართულიან კორპუსში დაახლოებით 60 ოჯახი ცხოვრობს. ადგილობრივები ამბობენ, რომ 30 წელზე მეტია ეზოში არაფერი გაკეთებულა, ის ასფალტი, რომელიც რამდენიმე ათეული წლის წინ დააგეს, დაზიანებულია. გასულ წელს სასმელი წყლის სისტემის შეცვლის შემდეგ კი ეზოში გადაადგილება უფრო გართულდა, განსკუთრებით მძიმე მდგომარეობა წვიმის დროს არის.

აღნიშნული საკითხი თამარაშვილის ქუჩის მცხოვრებლებმა ჯერ კიდევ წლის დასაწყისში, 2017 წლის ბიუეჯტის დაგეგმვის დროს ითხოვეს.

ახალციხის მერიაში აცხადებენ, რომ თამარაშვილის ქუჩაზე N5 და N7 კორპუსების ეზოს მოწესრიგება მიმდინარე წელს იგეგმება, თუმცა კონკრეტულად როდის დაიწყება სარეაბილიტაციო სამუშაოები ამ ეტაპზე უცნობია.

„ტენდერი ჯერ გამოცხადებული არ არის, მაგრამ წელს აუცილებლად გაკეთდება. არჩევნები ამას ხელს არ შეუშლის, ჩასმულია მისი რეაბილიტაცია“, – განაცხადეს ახალციხის მერიის საზოგადოებასთან ურთიერთობის სამსახურში.

მათივე განმარტებით, რამდენი ლარი დაიხარჯება აღნიშნული კორპუსების ეზოს მოსაწყობად ამ ეტაპზე უცნობია,რადგან ჯერ სატენდერო დოკუმენტაცია მზად არ არის.

[sknews.ge]