11 ნოემბერს ადიგენში 'ზარზმობას' აღნიშნავენ

დღესასწაული 11 ნოემბერს, ადიგენის სოფელ ზარზმაში გაიმართება. იგი წმინდა სერაპიონ ზარზმელის ხსენების დღეს უკავშირდება.

ღონისძიების ორგანიზებისთვის მუნიციპალიტეტის მერიამ ტენდერი 2 420 ლარზე გამოაცხადა. მასში მონაწილეობა მხოლოდ ერთმა პრეტენდენტმა, ინდივიდუალურმა მეწარმემ, ცისანა მაჭარაშვილმა მიიღო. ამ ეტაპზე, მასთან ხელშეკრულების დასადებად დოკუმენტის მომზადება მიმდინარეობს.

მაჭარაშვილმა დღესასწაულისათვის სცენის ტრანსპორტირება უნდა განახორციელოს ქალაქ ახალციხიდან სოფელ ზარზმაში.

დღესასწაულისათვის სცენა უნდა მოაწყოს მონასტრის მიმდებარე ტერიტორიაზე ღია ცის ქვეშ.

სცენის უკან უნდა მოაწყოს ლურჯი ფერის ე.წ ბრეზენტი და მასზე უნდა მოხდეს არსებული ზარზმობის ბანერის განთავსება მონტაჟის, შემდგომ დემონტაჟისა და დასაწყობების გათვალისწინებით.

ზეიმის შემდეგ უნდა მოხდეს სცენის დემონტაჟი და განხორციელდეს მისი ტრანსპორტირება უკან ქალაქ ახალციხეში.

[თაკო ფეიქრიშვილი, ადიგენი]