ადიგენში ზარზმობის დღესასწაულისათვის ემზადებიან

ზარზმობის დღესასწაული ადიგენში, ტრადიციულად 11 ნოემბერს გაიმართება. სერაპიონ ზარზმელის ხსენების დღის ღონისძიებისათვის სცენა ზარზმის ეკლესიის მიმდებარე ტერიტორიაზე მოეწყობა.

სცენის სამშენებლო სამუშაოებისათვის ადიგენის გამგეობა ტენდერს 3 061 ლარის ფარგლებში აცხადებს.

სატენდერო დოკუმენტაციის მიხედვით, სცენა გამგეობის კუთვნილი 5 სმ სისქის ფიცრით უნდა გაკეთდეს, რომელიც სოფელ უდეში გამგეობის კუთვნილ შენობაში, პირველი საჯარო სკოლის მიმდებარედ არის დასაწყობებული.

სცენაზე მოეწყობა ასასვლელი კიბეები ორი მხრიდან, უკანა მხარეს კი გაიკვრება ცელოფანი, რომლის ფონზეც მოეწყობა ბანერი წარწერით „გილოცავთ წმინდა სერაპიონ ზარზმელის ხსენების დღეს“.

[sknews.ge]