ადიგენში ‘ზარზმობისთვის’ ემზადებიან

„ზარზმობა“, რომელიც წმინდა სერაპიონ ზარზმელის ხსენების დღეს უკავშირდება, ადიგენში, სოფელ ზარზმაში 11 ნოემბერს აღინიშნება.

ღონისძიების ორგანიზებისთვის მუნიციპალიტეტის მერია ტენდერს 2 420 ლარზე აცხადებს. თანხა ადგილობრივი ბიუჯეტიდან გამოიყოფა.
წინადადებების მიღება 19 ოქტომბერს დაიწყება და 21 ოქტომბერს დასრულდება.

გამარჯვებულმა კომპანიამ „ზარზმობის“ დღესასწაულისათვის სცენის ტრანსპორტირება უნდა განახორციელოს ქალაქ ახალციხიდან სოფელ ზარზმაში.

დღესასწაულისათვის სცენა უნდა მოეწყოს მონასტრის მიმდებარე ტერიტორიაზე ღია ცის ქვეშ.

სცენის უკან უნდა მოეწყოს ლურჯი ფერის ე.წ ბრეზენტი და მასზე უნდა მოხდეს არსებული ზარზმობის ბანერის განთავსება მონტაჟის, შემდგომ დემონტაჟისა და დასაწყობების გათვალისწინებით.

ზეიმის შემდეგ უნდა მოხდეს სცენის დემონტაჟი და განხორციელდეს მისი ტრანსპორტირება უკან ქალაქ ახალციხეში.

[თაკო ფეიქრიშვილი, ადიგენი]