შსს სკოლის მოსწავლეებისთვის ესსების კონკურსს აცხადებს

კონკურსში მონაწილეობის მიღება შეუძლია საქართველოს საჯარო და კერძო სკოლების ნებისმიერი კლასის მოსწავლეს.

ესსეს შინაარსი უნდა მოიცავდეს ბავშვობის ასაკში ქორწინებასთან დაკავშირებულ თემატიკას. კონკურსის მიზანია არასრულწლოვნების დაინტერესება და მათი ცნობიერების ამაღლება ამ მიმართულებით მიმდინარე მოვლენებზე.

კონკურსში მონაწილეობის მსურველებმა უნდა გამოაგზავნონ შემდეგი ინფორმაცია:

• ნამუშევრის ავტორის სახელი და გვარი, დაბადების თარიღი, სკოლის დასახელება და ტელეფონის ნომერი.

ესსეს მოცულობა არ უნდა აღემატებოდეს 1 (ერთ) გვერდს.

დაგვიანებით ან/და არასრული მონაცემებით წარმოდგენილი ნაშრომები არ განიხილება.

პირველ სამ ადგილზე გასული, საუკეთესო ესსეების ავტორებისთვის დაწესებულია „ბიბლუსის“ მაღაზიათა ქსელის სასაჩუქრე ვაუჩერები

I ადგილი - 300-ლარიანი ვაუჩერი

II ადგილი - 200-ლარიანი ვაუჩერი

III ადგილი - 100-ლარიანი ვაუჩერი

ამასთან, გამარჯვებული ესსეები განთავსდება შინაგან საქმეთა სამინისტროს ადამიანის უფლებათა დაცვისა და გამოძიების ხარისხის მონიტორინგის დეპარტამენტის „facebook“- გვერდზე.

გამარჯვებულებს სპეციალური ჟიური გამოავლენს.

ესსეების გაგზავნა შესაძლებელია მხოლოდ ელექტრონულად, ელფოსტის მისამართზე: adamianisuflebebi@mia.gov.ge. სათაურის ველში მიუთითეთ - „ესსეების კონკურსი სკოლის მოსწავლეებისთვის“.

საკონკურსო ნამუშევრების გამოგზავნის ბოლო ვადაა 2019 წლის 5 ნოემბერი.

საინფორმაციო კამპანია 18 დღის განმავლობაში გაგრძელდება. ის გაეროს მოსახლეობის ფონდის (UNFPA) საქართველოს ოფისის მხარდაჭერით, შვედეთის მთავრობის დაფინანსებით, გაეროს ერთობლივი პროგრამის - „გენდერული თანასწორობისათვის“ ფარგლებში ხორციელდება.

[SKnews.ge]