ადრეული ქორწინების პრევენცია – კონკურსი ახალგაზრდებისთვის [R]

საინიციატივო ჯგუფი, "ცვლილებები იწყება ჩვენგან" კონკურსს პროექტის "ახალგაზრდა ჯგუფების მობილიზება ადრეული ქორწინების პრევენციისთვის"ფარგლებში აცხადებს, თემაზე: ადრეული ქორწინება, გამომწვევი მიზეზები და მისგან გამოწვეული პრობლემები.

პროექტი ხორციელდება "ქალთა ფონდი საქართველოში" ფინანსური მხარდაჭერით.

პროექტის მიზანია: რეგიონში არსებული ადრეულ ქორწინებასთან დაკავშირებული პრობლემების შესახებ საზოგადოების ცნობიერების ამაღლება.
კონკურსში მონაწილეობის მიღება შეუძლიათ 14-დან 21 წლამდე სამცხე–ჯავახეთის რეგიონში მცხოვრებ ახალგაზრდებს.

ვიდეო რგოლის ტექნიკური ინფორმაცია:

1. ვიდეო უნდა აკმაყოფილებდეს სოციალური ვიდეოს სტატუსს.
2. ქრონომეტრაჟის ხანგრძლივობა არ უნდა აღემატებოდეს 3 წუთს.
3. ვიდეო არ უნდა შეიცავდეს ძალადობის აღმნიშვნელ და შეურაცხმყოფელ ელემენტებს.

კონკურსში მონაწილეობისთვის საჭიროა ჩვენ ფბ გვერდზე გამოაგზავნოთ დამზადებული ვიდეო რგოლი არაუგვიანეს 16 ივლისისა.
გამოგზავნილი ვიდეო რგოლები აიტვირთება ჩვენ ფბ გვერდზე და მათგან ერთი გამარჯვებული გამოვლინდება დაგროვებული ლაიკების მიხედვით, ხოლო მეორე საინიციატივო ჯგუფის კომისია გამოავლენს.

ორი საუკეთესო ვიდეო რგოლის ავტორი დაჯილდოვდება ფულადი პრიზით.

კონკურსის გამარჯვებული ვიდეო რგოლების ავტორების დაჯილდოება მოხდება აგვისტოს პირველ რიცხვებში.

დამატებითი ინფორმაციისთვის დაგვიკავშირდით:

595 90 65 40-თეონა;
568 21 22 28-სალომე;
568 89 39 00-ნათია.

[sknews.ge]