ადიგენში ავარიის შედეგად ოთხი ადამიანი დაშავდა

დაბა ადიგენის ცენტრში ავტოსაგზაო შემთხვევა დღეს, ცხრა ოქტომბერს დაახლოებით 13:45 საათზე მოხდა.

როგორც თვითმხილველები ამბობენ, გზაჯვარედინზე ორი მსუბუქი მანქანა ერთმანეთს შეეჯახა: „ერთმანეთის საპირისპიროდ მოძრაობდნენ, არ ვიცი რა მოხდა, შეეჯახნენ და დაშავებულებიც არიან“.

სასწრაფო სამედიცინო დახმარების ჯგუფმა, ავარიისას დაშავებული ოთხი პირი ადიგენის საავადმყოფოში მიიყვანა. როგორც სამედიცინო დაწესებულების ხელმძღვანელი „სამხრეთის კარიბჭესთან“ განმარტავს დაშავებულებიდან ერთი 60 წელს გადაცილებულია, ხოლო სამი მათგანი 40 წლამდე იქნება.

„სწორედ ახლა ვაკვირდებით და ვადგენთ მათ მდგომარეობას. აქედან, ორის მდგომარეობა მსუბუქია და ადგილზე ჩავუტარებთ პირველად დახმარებას, ორი შედარებით მძიმეა, ამიტომ, კატასტროფის ჯგუფები გამოვიძახეთ, რომ გადაიყვანონ სხვა საავადმყოფოში, თავზე აქვთ დაზიანებები მიღებული“, – გვითხრეს ადიგენის საავადმყოფოში.

ადგილზე მობილიზებულია საპატრულო პოლიციაც, შსს–მ საქმეზე ძიება სსკ–ს 276 მუხლის მეორე ნაწილით დაიწყო.

[ლუბა გიორგაძე, ადიგენი]