9 ოქტომბერს მესხეთის თეატრში სპექტაკლი 'კაცია ადამიანი?!' გაიმართება

„კაცია-ადამიანი?!“ არის სიყვარულზე, რომელსაც უნაყოფოდ გადაშენება უწერია, და მაინც სპექტაკლის გმირები წარმავალნი არიან, მათი სიყვარული კი მარადიული.

დამდგმელი რეჟისორი ლევან წულაძე მაყურებელს სთავაზობს მისთვის კარგად ნაცნობი ნაწარმოების სრულიად ახლებურ ვერსიას, რომლის მთავარი სათქმელი ეფუძნება ადამიანური ურთიერთობების ამაღლებულ, რომანტიზირებულ საბურველში შეფუთულ სიყვარულს, რომელიც სარეჟისორო კონცეფციის მამოძრავებელი ღერძია.

ბილეთის ფასი – ხუთი ლარია.

სპექატკლი ეროვნული დრამატურგიის ფესტივალის ფარგლებში იმართება.

10 ოქტომბერს მესხეთის თეატრი თბილისის მ. თუმანიშვილის სახელობის კინომსახიობთა თეატრს უმასპინძლებს – ლაშა ბუღაძის „შვიდი პატარა პიესა“. რეჟ. ზურაბ გეწაძე;

11 ოქტომბერს კი რეჟისორ გიორგი შალუტაშვილის სპექტაკლი „მედეა ევრიპიდეს წინააღმდეგ“ გაიმართება.

ეროვნული დრამატურგიის V საერთაშორისო თეატრალური ფესტივალი 13 სექტემბერს დაიწყო და 11 ოქტომბერს დასრულდება.

[sknews.ge]