რას ნახავთ დრამატურგიის ფესტივალის მეთერთმეტე დღეს

სპექტაკლის რეჟისორი თამარ ხიზანიშვილია. „სიბრძნე სიცრუისა“ ქართველი მწერლის, დიპლომატის, მეცნიერისა და პოლიტიკური მოღვაწის სულხან-საბა ორბელიანის ნაწარმოების სცენურ ინტერპრეტაციას წარმოადგენს.

მისი პრემიერა ზინაიდა კვერენჩხილაძის სახელობის დმანისის პროფესიულ სახელმწიფო დრამატულ თეატრში 2018 წლის 30 ივნისს, მწერლის 360 წლის იუბილეს მიეძღვნა.

„სპექტაკლში, ექვსი ახალგაზრდა მსახიობი, სულხან-საბა ორბელიანის იგავ-არაკებს გაითამაშებენ და ფიზიკური და კლასიკური თეატრის გამომსახველობითი ხერხების სინთეზით, ნაწარმოებში წამოჭრილ მარადიულ პრობლემებსა და ღირებულებებს გადმოსცემენ“, - აცხადებენ მესხეთის თეატრში.

სპექტაკლი19:00 საათზე დაიწყება.

ბილეთი ხუთი ლარი ღირს.

[თაკო ფეიქრიშვილი, ახალციხე]