სამცხე-ჯავახეთის უნივერსიტეტში რუსულ ფილოლოგიას სპეციალობად ვეღარ აირჩევენ

სამცხე-ჯავახცხეთის სახელმწიფო უნივერსიტეტის რექტორის, მაკა ბერიძის განცხადებით, სტუდენტები, რომლებმაც წინა წლებში რუსული ფილოლოგია აირჩიეს, სწავალას ამავე სპეციალობით გააგრძელებენ, თუმცა ვინც ახლა უნდა აირჩიოს დამატებითი სპეციალობა, მას რუსულის არჩევა არ შეეძლება.

„ოთხი-ხუთი წლის განმავლობაში იყო გამოცხადებული პროგრამა და არცერთმა სტუდენტმა ჩააბარა. ამიტომ რეაკრედიტაციაზე გაგვიჭირდება ზუსტად იმავე ფორმით გატანა. ახლა ჩვენ უნდა ვიფიქროთ სხვა ფორმაზე. შესაბამისად, პროგრამაც მომზადებული არაა“, – ამბობს მაკა ბერიძე.

იმის გამო, რომ ბოლო წლების განმავლობაში პროგრამაზე არცერთი სტუდენტი ჩარიცხულა, საგანმანათლებლო პროგრამის ხელახალი აკრედიტაციის მოპოვებისას, შესაძლოა, პროცედურები უარყოფითი შედეგით დასრულდეს.

„თუ ავტორიზაციის რეჟიმში დაგვრთავენ ნებართვას, რომ გავაგრძელოთ პროგრამა, სტუდენტებისთვის კვლავ არჩევით პროგრამად დარჩება. თუ არა, თავისთავად ცხადია, შეწყდება“, – ამბობს უნივერსიტეტის რექტორის მოადგილე ნიკოლოზ ახალკაცი.

[თორნიკე ზაზაძე, ახალციხე]