უნივერსიტეტში ორმა პროგრამამ აკრედიტაცია გაიარა

ორი პროგრამისთვის აკრედიტაციის მიცემის გადაწყვეტილება, აკრედიტაციის საბჭოს გამართულ სხდომაზე გადაწყდა.

სამცხე–ჯავახეთის სახელმწიფო უნივერსიტეტში აცხადებენ, რომ ვეტერინარიის ინტეგრირებული სამაგისტრო პროგრამა ახალია და აკრედიტაცია პირველივე ჯერზე გაიარა.

„აკრედიტაციის დებულების მიხედვით, როცა პროგრამა ახალია და პირველად გადის ხუთ წლიანი ენიჭება. ეს პროგრამა არის ინტეგრირებული ანუ საბაკალავრო და სამაგისტრო. 2020 წლიდან აღნიშნულ პროგრამაზე აბიტურიენტებს მივიღებთ“,- ამბობს სამცხე-ჯავახეთის სახელმწიფო უნივერსიტეტის რექტორი მაკა ბერიძე.

რაც შეეხება ეკონომიკის სადოქტორო საგანმანათლებლო პროგრამას, ეს არის ძველი პროგრამა, რომელმაც აკრედიტაცია მეორედ გაიარა.

„როდესაც ამ პროგრამას გაუვიდა ძველი აკრედიტაციის ვადა, ხელმეორედ წარვადგინეთ და ახლა უკვე შვიდწლიანი აკრედიტაცია მიიღო. ესაა ეკონომიკის სადოქტორო საგანმანათლებლო პროგრამა და ხორცილდება ბიზნესადმინისტრირების ფაკულტეტზე“,-ამბობს ბერიძე.

უნივერსიტეტში არსებული 24 პროგრამიდან აკრედიტაცია 14-მა უკვე მიიღო.

[მარიამ ბარძიმაძე, ახალციხე]