წყორძაში ხანძრის შედეგად საცხოვრებელი სახლი და ბოსელი დაიწვა [ფოტო]

ხანძარი დღეს, 24 სექტემბერს, დაახლოებით 16:00 საათზე გაჩნდა. ცეცხლი ოჯახის დიასახლისმა შეამჩნია და სახანძროსაც თავად გამოუძახა: „ჩვენი აზრით, ცეცხლი დენის კაბელებიდან გაჩნდა. გარეთ გვაქვს დენის ასანთები, ბოსელთან. როგორც ჩანს, იქ გაჩნდა ჯერ ცეცხლი, შემდეგ კი თივაზე გადავიდა, რომელიც ბოსლის თავზე გვეყარა. სანამ სახანძროს დავურეკე, 400 „პრესი“ თივა სულ ჩაიწვა და სახლზე გადმოვიდა ცეცხლი“, - ამბობს სახლის მეპატრონე ანა ცუცქირიძე.

ცუცქირიძეების ხუთსულიანი ოჯახიდან, ხანძრის დროს სახლში მხოლოდ ოჯახის უფროსები იმყოფებოდნენ. მათი თქმით, ცეცხლის შედეგად ბოსელი, საქონლისთვის მომარაგებული თივა, ბოსლის გადასახურად გამზადებული ხის მასალა და საცხოვრებელი სახლის ორი ოთახი დაიწვა.

ამ დროისათვის სახლიდან ავეჯის ნაწილი და ტექნიკა გამოტანილია.

ადგილზე სახანძრო-სამაშველო სამსახურის ოთხი ბრიგადა მუშაობს. მეხანძრეები ცეცხლის კერების სალიკვიდაციო სამუშაოებს ატარებენ.













[ლუბა გიორგაძე, თაკო ფეიქრიშვილი, ახალციხე]