შეხვედრები ახალციხის მუნიციპალიტეტის მოსახლეობასთან ®

შეხვედრაზე მიმდინარე და დასრულებული ინფრასტრუქტურული პროექტები მათთან ერთად განიხილეს და სამომავლო გეგმებზე იმსჯელეს.

აღსანიშნავია, რომ ახალციხის მუნიციპალიტეტში განსახორციელებელი და უკვე მიმდინარე პროექტები მოსახლეობის ინტერესების გათვალისწინებით დაიგეგმა და ინფრასტრუქტურის სამშენებლო-სარეაბილიტაციო სამუშაოები ამ დრომდე აქტიურად გრძელდება.

გასულ წლებში სოფელ წინუბანში სარწყავი და სასმელი წყლის სისტემები მოეწყო, შეკეთდა შიდა გზები, ასფალტის საფარი დაიგო აგარა-წინუბანი-გურკელის საავტომობილო გზის გზის 3100 მეტრიან მონაკვეთზე. რეაბილიტაცია ჩაუტარდა სოფლის სახლს, მოეწყო სანიაღვრე არხი და გზის დამცავი გაბიონი. მიმდინარე წელს აქტიურად გრძელდება სოფლების წინუბანის, გურკელის, აგარის, ზიკილიისა და მუგარეთის წყლის სისტემის პირველი ეტაპის სარეაბილიტაციო სამუშაოები, განხორციელდა სკვერისა და გარე განათების მოწყობისა სამუშაოები. ასევე, რეაბილიტაცია უტარდება სასმელი წყლის რეზერვუარს და ეწყობა მაგისტრალი. დაგეგმილია სოფლის შიდა გზების, აბანოებისკენ მიმავალი გზის რეაბილიტაცია და გარე განათების მოწყობის სამუშაოების გაგრძელება. წინუბნის ხეობაში გასულ წელს დაიწყო XIV საუკუნის II ნახევრის ძეგლის - ბიეთის ყოვლადწმინდა ღვთისმშობლის ეკლესიის რეაბილიტაცია, გაიწმინდა ტერიტორია და დაწყებულია რესტავრაცია. გარდა ამისა, მოწესრიგდა ტაძართან მისასვლელი გზაც. სარეაბილიტაციო სამუშაოების დასრულების შემდეგ ტაძარში სამონასტრო ცხოვრება აღდგება, რაც გაზრდის ტურისტებისა და მომლოცველების ინტერესს ისტორიული ძეგლისა და ხეობისადმი.

სოფელ საყუნეთში მოეწყო მინი სტადიონი, გარე განათება. რეაბილიტაცია ჩაუტარდა სატუმბ სადგურს, სოფლის სახლს. ასფალტის საფარი დაიგო საავტომობილო გზაზე, შემოიღობა სამეურნეო დანიშნულების მიწის ნაკვეთები. მიმდინარეობს რიტუალების სახლის რეაბილიტაცია. ცენტრალურ გზაზე კეთდება რკინა-ბეტონის წყალგამტარი მილი, საჯარო სკოლაში კი გარე სანიტარული კვანძი მოეწყო. დაგეგმილია გარე განათების მოწყობის სამუშაოების გაგრძელება, შიდა გზების რეაბილიტაცია, სანიაღვრე არხების მოწყობა, სატუმბი სადგურისა და საყუნეთი-ტყემლანის გზის რეაბილიტაცია.

გასულ წლებში სოფელ აგარაში რეაბილიტაცია ჩაუტარდა სასმელი წყლის სისტემას, საბავშვო ბაღს, სპორტულ მოედანს, რიტუალების სახლს. მოეწყო სასმელი წყლის შიდა ქსელი, გარე განათება, გაკეთდა დასასვენებელი სკვერი. მიმდინარე წელს საჯარო სკოლაში მოეწყო გარე სანიტარული კვანძი, რეაბილიტაცია უტარდება სასმელი წყლის შიდა ქსელს, შენდება ახალი ამბულატორია. დაგეგმილია ახალი ბაღის მშენებლობა, შიდა გზების რეაბილიტაცია, გარე განათების მოწყობის სამუშაოების გაგრძელება, დიდი სტადიონის შემოღობვა და სოფლის სახლის რეაბილიტაცია.



სოფელ ზიკილიაში გასულ წლებში რეაბილიტაცია ჩაუტარდა სასმელი წყლის სისტემას, შიდა ქსელს, გამანაწილებელს და რეზერვუარს, ახალგაზრდულ ცენტრს და რიტუალების სახლს შიდა გზებს. საავტომობილო გზაზე დაიგო ასფალტის საფარი. მოეწყო საყრდენი კედელი. მოხდა 2-სართულიანი საცხოვრებელი ბინის სახურავის რეაბილიტაცია. მიმდინარე წელს ზიკილიის საჯარო სკოლაში მოეწყო გარე სანიტარული კვანძი.დაგეგმილია სანიაღვრე არხების, საკანალიზაციო ქსელის, მინი სტადიონის მოწყობა, შიდა გზების რეაბილიტაცია. ასევე სოფლის სახლისა და ამბულატორიის რეაბილიტაცია.

შეხვედრებზე მოსახლეობის მხრიდან სოფლებში უკვე შესრულებული სამუშაოების შედეგები დადებითად შეფასდა, ამასთან პრიორიტეტებად გაზიფიცირების, შიდა საუბნო გზების, სარწყავი და სასმელი წყლის სისტემების მოწესრიგების და გარე განათების მოწყობა დასახელდა. სამხარეო და ადგილობრივი ხელისუფლების წარმომადგენლების თქმით, კი ამ მიმართულებით მუშაობა აქტიურად გრძელდება და 2020 წლის ბიუჯეტის ფორმირების დროს, მაქსიმალურად იქნება გათვალისწინებული მოსახლეობის ინტერესები და თხოვნები.





[sknews.ge]