აწყურში სასმელი წყლის ქსელის რეაბილიტაცია მიმდინარეობს

აწყურში სასმელი წყლის ქსელის რეაბილიტაციასა და რეზერვუარის მოწყობას ტენდერში გამარჯვებული ინდივიდუალური მეწარმე ცოლაკ ვარტიკიანი ახორციელებს.

პროექტის თანახმად სასმელი წყლის მაგისტრალის და შიდა საუბნო გამანაწილებლების მოწყობა ხდება, კეთდება 300 მ3 რკინა-ბეტონის წყლის რეზერვუარი და საქლორატორო, ასევე ეწყობა რეზერვუარისგან გამომავალი გამანაწილებლებისათვის შენობა-ნაგებობა.

ახალციხის გამგეობაში ამბობენ, რომ სამუშაოების დასრულების შემდეგ, მოსახლეობას წყალმომარაგება გაუუმჯობესდება.

სამუშაოები, ადგილობრივი ბიუჯეტიდან და რეგიონებში განსახორციელებელი პროექტების ფონდიდან 268 405 ლარად ხორციელედება.

აწყურში, სამელი წყლის ქსელის რეაბილიტაციისა და რეზერვუარის მოწყობის სამუშაოები, მიმდინარე წლის 2 ოქტომბრამდე უნდა დასრულდეს.

[sknews.ge]