სოფელ მინაძესთან ტრაილერი გადაბრუნდა [ფოტო]

შემთხვევა დღეს, ცხრა მარტს დაახლოებით 09:00 საათზე მოხდა. როგორც, ტრაილერის მძღოლი ამბობს მანქანაში მარტო იმყოფებოდა.

„თავს კარგად ვგრძნობ. ახლა მეტის თქმა არ შემიძლია“, – გვითხრა ტრაილერის მძღოლმა.

საქმეზე შინაგან საქმეთა სამინისტრომ გამოძიება ადმინისტრაციული სამართალდარღვევათა კოდექსის 125-ე მუხლის მეათე ნაწილით დაიწყო, რაც სატრანსპორტო საშუალების მძღოლის მიერ საგზაო მოძრაობის წესების დარღვევას გულისხმობს.

აღნიშნულ მონაკვეთზე ავტოსაგზაო შემთხვევის ეს პირველი შემთხვევა არ არის. გასული წლის ოქტომბერში ავარიას ტრაილერის მძღოლი, 30 წლამდე კაცი ემსხვერპლა.



[ნუკა სტეფნაძე, ახალციხე]