სამცხე–ჯავახეთის გუბერნატორი თანამდებობიდან გაათავისუფლეს

სამხარეო რწმუნებულების გათავისუფლების შესახებ, პრემიერ–მინისტრის ბრიფინგი, დღეს, 26 ივლისს, 11:00 საათზე გაიმართა. მამუკა ბახტაძემ ის ხუთი გუბერნატორი დაასახელა, რომლებმაც დღეიდან თანამდებობა დატოვეს.

"იმ მიზნებიდან გამომდინარე, რაც ჩვენს მთავრობას აქვს გაცხადებული, აუცილებელია ახალი მიდგომები რეგიონის მართვასთან და ცენტრალურ ხელისუფლებასთან კოორდინაციის თვალსაზრისით. აქედან გამომდინარე, დღეიდან თანამდებობიდან თავისუფლდებიან შემდეგი რეგიონების სამხარეო რწმუნებულები: შიდა ქართლის, მცხეთა–მთიანეთის, სამეგრელო–ზემო სვანეთის, ქვემო ქართლისა და სამცხე–ჯავახთის გუბერნატორები და ამ რეგიონებში, ისევე როგორც იმერეთში, უახლოეს დღეებში წარმოგიდგენთ ახალ სახელმწიფო რწმუნებულებს", – განაცხადა პრემიერ–მინისტრმა მამუკა ბახტაძემ.

შეგახსენებთ, რომ კახა სამხარაძე სამცხე–ჯავახეთის გუბერნატორად 2018 წლის მარტში დაინიშნა. იგი მანამდე შიდა ქართლის გუბერნატორი იყო.

ვინ დაიკავებს რეგიონში გუბერნატორის პოსტს, ჯერჯერობით უცნობია.

[sknews.ge]