დიდ პამაჯში ოთხი საცხოვრებელი სახლი დაიწვა [ფოტო]

ადგილობრივების თქმით, სოფელ პამაჯში ხანძარი დაახლოებით 15:00 საათზე, ნინა კაზაროსიანის დაკეტილ სახლში გაჩნდა: „მაგ ბინის პატრონები რუსეთში არიან და სახლი დაკეტილია. მერე გადავიდა მეზობელ სახლებზეც“, - ამბობს ავაკიან ვართიკეკი.

კაზაროსიანების სახლიდან, ხანძარი მეზობლების სამ სახლს მოედო. მათ შორის, ორი სახლი სრულად დაიწვა. დამწვარია დამხმარე-ნაგებობები და ერთი ბოსელიც.

ადგილზე მობილიზებულია სასწრაფო-სამედიცინო დახმარებაც, თუმცა დაშავებული არავინაა. ამ დროისთვის, ადგილზე სახანძროს შვიდი ეკიპაჟი და 30 მეხანძრე-მაშველია მობილიზებული.





[თორნიკე ზაზაძე, ახალციხე]