პატარა ხანჩალში საცხოვრებელი სახლი დაიწვა [ფოტო]

შემთხვევა დღის 12:00 საათზე მოხდა.ინფორმაციას რადიო "ნორი" ავრცელებს". ოთხსულიან ოჯახში, ხანძრის გაჩენის დროს, სახლში მხოლოდ ერთი წევრი იმყოფებოდა. დაშავებულები არ არიან.

ადგილობრივების განმარტებით, ხანძარი სავარუდოდ მოკლე ჩართვამ გამოიწვია:"სახლში ყველაფერი დაიწვა, ავეჯი, ფული, დოკუმენტები და ძვირფასეულობა".

ადგილზე მუშაობდა ნინოწმინდისა და ახალქალაქის ორი სახანძრო მანქანა.

შსს–ში განმარტავენ, რომ გამოძიება საქართველოს სსკ-ის 187-ე მუხლის მე-2 ნაწილის “ა” ქ/პუნქტით მიმდინარეობს.







[მარიამ ბარძიმაძე, ნინოწმინდა]