ნინოწმინდაში ექვსი სოფელი დაისეტყვა - ანაზღაურებაზე მერიაში პასუხი არ აქვთ

ნინოწმინდაში სეტყვა, 17 ივლისს, დაახლოებით 17:20 საათზე დაიწყო და რამდენიმე წუთი გაგრძელდა. სოფლებში სტიქიამ სასოფლო-სამეურნეო სავარგულები და ხეხილი დააზიანა.

სტიქიამ ექვსი სოფელი დააზარალა: საღამო, სათხა, ოროჯალარი, დიდი და პატარა არაქალი. ნინოწმინდის მერიის ინფორმაციით, სოფლებში სეტყვამ მთლიანი მოსავლის 30% გაანადგურა.

მათივე თქმით, ყველაზე დიდი ზარალი სოფელ საღამოს მიადგა. „მოსავლის 70% დაისეტყვა. ზარალი თანხაში ჯერ დათვლილი არ გვაქვს. არც ის ვიცით, ავუნაზღაურებთ თუ არა მოსახლეობას ზარალს“, - განმარტავენ ნინოწმინდის მერიის საზოგადეობასთან ურთიერთობის სამსახურში.
სტიქიის შედეგად, ყველაზე ნაკლები ზარალი მიადგა სოფელი ჟდანოვს.

[ავთო ინასარიძე, ნინოწმინდა]