ნინოწმინდაში სეტყვამ 2 000 ჰექტარი ხორბლის და კარტოფილის ნათესი გაანადგურდა

ნინოწმინდის მერიის საზოგადოებასთან ურთიერთობის სამსახურში განმარტავენ, რომ სეტყვამ მუნიციპალიტეტის ოთხი ადმინისტრაციული ერთეული, ჯამში 13 სოფელი დააზარალა.

„სათხის ადმინისტრაციულ ერთეულში დაახლოებით 500 ჰექტარია დაზიანებული. ხანჩალში 400 ჰექტრამდე ხორბალი და კარტოფილი, ეშტაშის 800 ჰექტარი. ჯიგრაშენში 450 ჰექტარი“,–აცხადებენ ნინოწმინდის მერიაში.

მათივე განმარტებით, მერიაში შეიქმენა სპეციალური კომისია, რომელიც დაითვლის მიყენებული ზარალის ზუსტ ოდენობას, ამის შემდეგ გადაწყვეტენ, როგორ დაეხმარებიან დაზარალებულებს.

სათხის ადმინისტრაციულ ერთეულში მერის წარმომადგენლის გალუსტ პალოიანის განმარტებით ხორბილის და კარტოფილის ნათესებთან ერთად მიწასთანაა გასწორებული ბოსტნეულიც: „სათხა, ორაჯალარი, დიდი და პატარა არაქალი ყველგან სრულად განადგურდა მოსავალი. ბოსტნებში აღარ არის ხახვი და მწვანილი“.

ძლიერი ქარი და სეტყვა ნინოწმინდაში 25 მაისს იყო. ნათესებთან ერთად დაზიანდა მანქანებიც.

[მარიამ ბარძიმაძე, ნინოწმინდა]