ხიზაბავრას ესკიზები [ფოტო]

ის-ის იყო უნდა გაექროლებინათ ველოსიპედები და მივედი. ფოტოს გადაგიღებთ–მეთქი და დამთანხმდნენ. გაიჩხაკუნა აპარატმაც და 21–ე საუკუნის ხიზაბავრას მოუსვენარი თაობა კადრში გავაჩერე.



ხიზაბავრას მომავალი.



ფოტოს გადაღებას არ ელოდა, ემჩნევა კიდეც თვალებში ცოტა გაოცება.



“კიდევაც დაიზრდებიან...”



თაქუშ მურადაშვილი – 83 წლის. ახალქალაქის სოფელ ვარევანიდან ხიზაბავრაში გათხოვდა. გვითხრა, რომ ხიზაბავრას მსგავსი სოფელი სხვაგან არსად არ არის. ვკითხე, სხვაგან სად ყოფილა, არსადო – მიპასუხა და თავის პასუხზე კარგად იცინა.



ხიზას ეკლესია, სწორედ ამ ეკლესიის აღდგენის დროს აღმოაჩინეს 12 ტომარა ადამიანის ძვალი – ისტორია სოლომონ მურადაშვილმა გვიამბო.



ხიზას გზაზე მიმავლებს მინდორში გადავეყარეთ. ისე ბზინავდა და თან მოგვხედა. ჰოდა, ფოტო როგორ არ გადამეღო.



„ვანაში“ ცხვრები წყურვილს იკლავენ.


[გულო კოხოძე, ასპინძა ]