ბიეთის ეკლესიის აღდგენის მეორე ეტაპი იწყება [ფოტო]

ბიეთის მე-14 საუკუნის ტაძრის სარესტავრაციო სამუშაოებს კომპანია „ივერთმშენი“ ახორციელებს. ტაძრის გაწმენდითი სამუშაოები 2018 წელს ჩატარდა. კონკრეტულად აღდგენა კი შარშან დაიწყო.

პირველი ეტაპის დასრულების შემდეგ, ტაძარზე სამუშაოები დროებით შეჩერდა: „ახლა ვაპირებთ გაგრძელებას ცოტა ხანში, ზაფხულში დაიწყება შემდეგი ეტაპი. ბუღალტრული საქმეები, ნებართვები გაიცემა და ისევ დავიწყებთ. ახლა ველოდებით ოფიციალურ ნებართვას“, - ამბობს კომპანია „ივერთმშენის“ წარმომადგენელი რამაზ კორშია.

ბიეთის ღვითსმშობლის სახელობის ეკლესიის რესტავრაცია ეტაპობრივად მოხდება და სამი წელი გაგრძელდება.

აქ სამუშაოებს ფონდი „ქართუ“ აფინანსებს. 2019 წელს ტაძარზე სამუშაოებისთვის 350 000 ლარი დაიხარჯა. საბოლოო ჯამში რამდენი ლარი დასჭირდება ტაძრის სრულ რესტავრაციას, უცნობია.









[თაკო ფეიქრიშვილი, ახალციხე]