ახალციხეში ისტორიის გამოცდა დასრულდა

ისტორიის გამოცდის მეორე სესიაზე რეგისტრირებული 209 აბიტურიენტიდან 15 არ გამოცხადდა.

„საშუალო სირთულის იყო გამოცდა. კი იყო რაღაცა, რაც ვერ გავიგე ან არ გამახსენდა, მაგალითად, ბართლომეს ღამის შესახებ. მგონი ეგ არასწორად დავწერე. თუმცა, ზოგადად, ნამეცადინები ვიყავი და ტესტი ცუდად არ ვწერე“, – ამბობს ნინო მეტრეველი.

გამოცდას 14 კურატორტი და 14 მეთვალყურე აკვირდებოდა.

ახალციხის საგამოცდო ცენტრში, რეგისტრაციის პროცესს დღეს, შეფასებისა და გამოცდების ეროვნული ცენტრის დირექტორი, სოფიო გორგოძე დააკვირდა.

„ძალიან ცოტა ხანს გაჩერდა. რამდენიმე ცენტრი მოინახულა და ჩვენთანაც ჩამოვიდა. ძალიან მოეწონა ახალციხის საგამოცდო ცენტრი. ისტორიის გამოცდა იყო და რეგისტრაციას დააკვირდა“, – გვითხრა ახალციხის საგამოცდო ცენტრის უფროსმა, გელა ინასარიძემ.

ხვალ, 16 ივლისს, აბიტურიენტები გამოცდას გეოგრაფიაში ჩააბარებენ.

[მარიამ ბარძიმაძე, ახალციხე]