ასპინძაში 'სოფლის პროგრამით' გათვალისწინებული პროექტების განხორციელება მიმდინარეობს

ასპინძის მუნიციპალიტეტის მერიის ინფორმაციით, ამჟამად ,, სოფლის მხარდაჭერის პროგრამის’’ ფარგლებში სოფელ მირაშხანში მიმდინარეობს სასაფლაოს შემოღობვა. აღნიშნულ სამუშაოებს ი/მ ,,ზურაბ ქამადაძე’’ ასრულებს. სახელშეკრულებო თანხა 9 168 ლარს შეადგენს.

სოფელ თმოგვში, ასევე სასაფლაო იღობება. სამუშაოებს შპს ,,ვერთაყანა“ 17 797 ლარის ფარგლებში ასრულებ.
სოფელი ფიაში, მოსახლეობის თავშეყრის ადგილის რეაბილიტაცია მიმდინარეობს, რომელსაც ი/მ ,,თამაზ მაისურაძე’’ 16 438 ლარად ახორციელებს.

„სოფლის მხარდაჭერის პროგრამის“ ფარგლებში, მუნიციპალიტეტის სოფლებში განსახორციელებელი პროექტების შესარჩევად თითოეულ დასახლებაში საერთო კრებები ჩატარდა და მოსახლეობასთან კონსულტაციების შედეგად გამოვლინდა პრიორიტეტები.



[sknews.ge]