ოპოზიცია პარლამენტთან საპროტესტო აქციის გამართვას გეგმავს

ტრიბუნაზე ასული დეპუტატები პროვოკაციაში დაადანაშაულა "პატრიოტთა ალიანსის" დეპუტატმა ადა მარშანიამ.

სხდომათა დარბაზიდან გამოსულ ზაქარია ქუცნაშვილს მოქალაქეები სტვენით და შეძახილებით – „მოღალატე“ დახვდნენ. ქუცნაშვილმა სამოქალაქო აქტივისტებს ბანერი დაუხია, რომელზეც „სირცხვილი მთავრობას“ ეწერა, დეპუტატმა კომენტარის გაკეთება ვერ შეძლო. სამოქალაქო აქტივისტებმა მის უკან სწორედ აღნიშნული ბანერი გაშალეს და სკანდირებდნენ „მოღალატე, მონავ“.

ამ დროისთვის უცნობია, თუ სად გაგრძელდება მართლმადიდებლობის საპარლამენტთაშორისო ასამბლეის 26-ე სესიის სხდომა.

პარალელურად, პარლამენტის შენობის გარეთ, მოქალაქეები აპროტესტებენ ოკუპანტი ქვეყნის ოდიოზური პარლამენტარების დიდი პატივით მასპინძლობას. მოქალაქეებმა პუტინის და ბიძინა ივანიშვილის სურათები დაწვეს.

ოპოზიცია ყველას მოუწოდებს 19:00 საათზე პარლამენტთან შეკრებისკენ.

[sknews.ge]