პარლამენტის შენობის წინ აქცია მიმდინარეობს

ფოტო:publika.ge

„ვისაც ერთი ადგილი აქვს, ვიწყებთ პარლამენტის პიკეტირებას, იმიტომ, რომ ამ ორგანომ დაკარგა ლეგიტიმაცია“, – ამის შესახებ „ნაციონალური მოძრაობის“ ერთ-ერთმა ლიდერმა გრიგოლ ვაშაძემ პარლამენტის წინ შეკრებილ მოქალაქეებს მიმართა.

პარლამენტთან მრავალათასიანი დემონსტრაცია მიმდინარეობს ვადამდელი არჩევნების მოთხოვნით, რომელშიც ოპოზიციური პარტიების მხარდამჭერები და სამოქალაქო აქტივისტები მონაწილეობენ.

აქციის ერთ-ერთი ორგანიზატორის, შოთა დიღმელაშვილის განცხადებით, პარლამენტთან აქციები პერმანენტულ სახეს მიიღებს.

დღეს, 17 ნოემბერს, თბილისში კიდევ ერთი აქცია იგეგმება. 17:00 საათზე “პატრიოტთა ალიანსის” მხარდამჭერები რესპუბლიკურ მოედანზე იკრიბებიან. პარტიის ერთ-ერთი ლიდერის ირმა ინაშვილის თქმით, “პატრიოტთა ალიანსი” ხელალხა შეიტანს პროპორციულ არჩევნების კანონპროექტს პარლამენტში, თუმცა იქნება მცირედი სხვაობა. მისი განცხადებით, მათ კანონპროექტში ბუნებრივი ბარიერი 0,67%-ის ნაცვლად განსაზღვრული იქნება 0.70%-ით.

[sknews.ge]