ანის გზაზე ავარიის შედეგად დაშავებულები კლინიკაში რჩებიან

„გოგონას აქვს თავის არეში მცირე ექსკორიაციები, არაა მნიშვნელოვანი დაზიანება. ასევე, მაჯის არეში აღენიშნება ხაზოვანი მოტეხილობა, ცდომის გარეშე. მამაკაცს აქვს ნეკნის მოტეხილობა. ორივე სტაბილურადაა, ჩვენთან რჩებიან, ვაკვირდებით მათ მდგომარეობას“, – გვითხრეს ახალციხის რეფერალურ ჰოსპიტალში.

18 ივნისს, ახალციხეში, სოფელ ანიდან ერთი კილომეტრის მოშორებით, ორი „ბეემვე“–ს მარკის ავტომანქანა ერთმანეთს შეეჯახა. შემთხვევის შედეგად ორი ადამიანი – მცირეწლოვანი გოგონა და ერთ–ერთი მძღოლი დაშავდა.

[მარიამ ბარძიმაძე, ახალციხე]