ახალქალაქში 27 წლის კაცი დააკავეს

სამართალდამცავებმა კ.კ ახალქალაქის ცენტრალურ პარკში დაახლოებით 14:00 საათზე აიყვანეს. რა გახდა ახალგაზრდა კაცის დაკავების მიზეზი, შინაგან საქმეთა სამინისტროში კომენტარს არ აკეთებენ.

უწყებაში განმარტავენ, რომ ინფორმაციას მოგვიანებით გაავრცელებენ.

დაკავებულის ადვოკატის განმარტებით, საქმე იარაღის საკითხს ეხება,თუმცა სხვა დეტალები არ იცის, რადგან საქმის მასალებს ჯერ არ გაცნობია.

დაკავებულის დედა ამბობს, რომ მისი შვილი მაშინ დააკავეს, როდესაც სახლიდან სამსახურში მიდოდა.

„ჯერ კიდევ პირველ საათზე ჩემი შვილი სახლში იყო და ისადილა. იარაღი ოჯახში არასდროს გვქონია არ ვიცი რა მოხდა. თვითმხილველები მომიყვნენ რომ ფორმიანები გარს შემოეხვივნენ, ერთ–ერთმა მათგანმა ჩემ შვილს ფეხში ჩაარყტა და ძირს დააგდო. იმედია არაფერი არ დაემართება. პოლიციასთან პრობლემა ადრეც ჰქონდა რამდენჯერმე ჩხუბში გაერია", –ამბობს დაკავებულის დედა და ამატებს, რომ ბოლო წლების განმავლობაში პოლიციამ მათი სახლი რამდენჯერმე გაჩხრიკა.

[მარიამ ბარძიმაძე, ახალქალაქი]