სპეცოპერაცია ახალციხეში, დაკავებულია ერთი პირი

დაკავებულის ოჯახის წევრი ამბობს, რომ სპეცრაზმი მათ ბინაში 06:00 საათზე შევიდა.

„რკინის კარი გვაქვს,ალბათ აკაკუნებდნენ და მერე შემოანგრიეს, გვეძინა. წაიყვანეს ჩემი მეუღლე და მობილურებიც წაიღეს. არ ვიცი, რა უნდოდათ სახლში, ცხრა წლის შვილი მყავს. მეტს ვერაფერს გეტყვით“, – გვითხრა დაკავებულის მეუღლემ.

კორპუსში მცხოვრებმა მეზობელმა გვითხრა, რომ „კაცი სავარაუდოდ შავ სამყაროსთან კავშირის გამო აიყვანეს. არ ვიცი, რა მოხდა, მგონი ქურდებთან აქვს კავშირი, ბიზნესმენია, თავისი მაღაზია აქვს“, – ამბობს მეზობელი.

მომხდარის შესახებ „სამხრეთის კარიბჭე“ შინაგან საქმეთა სამინისტროდან პასუხს ელოდება.

[მარიამ ბარძიმაძე, ახალციხე]